01:52 ص | الأربعاء 22 يناير 2025
زيزو
كشف الإعلامي والناقد الرياضي إيهاب الخطيب، مدير تحرير جريدة الوطن والمشرف على قطاع الرياضة تفاصيل جديدة حول أزمة تجديد أحمد سيد زيزو مع نادي الزمالك ومصير انتقاله للنادي الأهلي.
وقال الخطيب خلال حديثه ببرنامج شوط عبر شاشة الوطن: «ايه اللي غير الكلام في تجديد زيزو بسبب المفاجأة اللي حصلت وهي تراجع أحد رجال الاعمال اللي كان متبرع بـ30 مليون جنيه في كلامه ولسبب والد زيزو قال طالما متفقين على قيمة العقد بشكل كامل محتاج شيكات بيهم بشكل كامل لأنهم لن يتم كتابتهم في التعاقد وكان عنده قلق من عدم الحصول عليهم وهذا تسبب في انسحاب رجل الأعمال وقرر إنه يطلع برا الصفقة ناس كتير جوه الزمالك شايفه انه ميستحقش المبلغ ده وناس تانيه شايفه يستحق ولكن هو جايله أكتر من اللي مقدمه الزمالك بعد الاتفاق معاه على الحصول على 50 مليون جنيه من الزمالك و30 من رجل الأعمال».
وتابع: « عرض العربية والفيلا حضر بسبب تراجع رجل الأعمال وقد يعود مرة أخرى للصورة في قصة التجديد من أجل حسمها».
وتطرق للحديث عن ارتباط زيزو بالأهلي قائلًا : «الناس لما شافت عرض طرابزون قالت الأهلي عايزه لو الأهلي عايزه هياخده مباشر لأنه لاعب حر بنهاية الموسم والأهلي لن يتدخل في صفقة زيزو لأنه مش هيدفع للاعب مصري 80 ولا 50 ولا 30 مليون جنيه وزيزو اتعرض عل الأهلي في التجديد قبل ده وكان طالب 24 مليون في الموسم ومتمتش الصفقة ولو الأرقام كانت تتماشى مع سيستم الأهلي كان وافق الأهلي بشكل طبيعي والمسؤولين لا يسعون للتعاقد مع اللاعب».
