عمرو أديب
الاحد 13 أكتوبر 2024 | 11:21 مساءً
الإعلامي عمرو أديب
علق الإعلامي عمرو أديب على حادث تصادم قطاري المنيا، قائلا: ‘أكيد في حاجة غلط، محدش يقولي في خطأ فردي وهنحقق في الموضوع وهنحاسب المخطئ، أرجوكم يا جماعة شوفوا الغلط فين.. والحادث اللي قبل ده معرفناش إيه اللي تم فيه’.
وخلال تقديم برنامج ‘الحكاية’ عبر فضائية ‘إم بي سي مصر، تابع ‘أديب’ منفعلا: ‘إزاي يحصل وقطر يلبس في قطار في 2024، إحنا صرفنا كتير على المرفق ده وجددنا وطورنا السكك الحديدية’.
حادث قطاري المنيا
وواصل ‘أديب’: ‘زمان أنا كعمرو أديب غطيب أكتر من 50 حادث قطار، لكن وقتها مكنش عندنا موارد للتطوير، ودلوقتي الوضع اختلف والحوادث تتكرر.. حد يشوف المشكلة فين ونحلها’.
وفي وقت سابق أجرت النيابة الإدارية بالمنيا – القسم الثالث، معاينةً لموقع حادث القطار الذي وقع صباح اليوم بدائرة محافظة المنيا، وذلك تنفيذاً لتكليفات المستشار عبد الراضي صِدِّيق رئيس هيئة النيابة الإدارية.
وانتقل فريق من أعضاء النيابة برئاسة المستشار صلاح خفاجي نائب رئيس الهيئة ومدير النيابة، وعضوية المستشار محمد حميدة، والمستشار محمد سعيد، وأحمد مصطفى وكيل أول النيابة، لموقع الحادث.
