الجميع استكبروا مسلسل آدم عليّ وتامر حسني دعمني
حرص المخرج محمد سامي على الكشف عن كواليس رحلته الشاقة قبل إثبات موهبته فى مجال الفن.
وتذكر دعم الفنان تامر حسني له فى بدايته مؤكدًا أنه كان السبب فيما وصل اليه محمد سامي حاليًا.
وأكد محمد سامي قائلًا: “وَلَا تَنْسَوُا الْفَضْلَ بَيْنَكُمْ، وأنا قاعد إمبارح في التصوير افتكرت الرحلة و الشقي و التعب من أول عمل لحد العمل اللي بصوره دلوقتي و افتكرت صعوبة الحصول علي فرصة عشان الواحد يثبت نفسة و يحقق أحلامه”.
وأضاف: “فطبعا افتكرت أخويا و صاحبي الجدع الطيب الخلوق اللي دعمني من أول لحظة و كان سبب في اللي أنا فيه دلوقتي، تامر قدملي كل الدعم و الحب و الامكانيات اللي خلتني اثبت نفسي”.
الجميع استكبروا مسلسل آدم عليّ وتامر حسني دعمني
وتابع: “بالذات في وقت كان صعب الشباب ياخد في الدراما فرصة بحجم مسلسل آدم، فاكر اني الكل كان رافض اني اخد الفرصة دي ومستكبرينها عليا الا هو وقف في ظهري كأنه بيحارب لأخوه و بصلي مرة والظروف كلها ضدي”.
وأشار: “كنت حاسس وانا بحضر انهم هيجيبو حد غيري و قاللي ده مسلسلك و هتعمله و هتنجح و هتنجحنا معاك، حتي طريقته المتواضعة و هو بيقوللي مسلسلك كأني عامل تسع مسلسلات قبله تحسس الواحد بنفسه و أهميته”.
طول عمرك متواضع و مؤدب
واخختم محمد سامي حديثه قائلًا: “أشهد أمام الله إنك طول عمرك متواضع و مؤدب وتطلب الحاجة باحترام، ومع الكرو محترم وعشان كدة كلنا روحنا فيك، بحبك يا صاحبي و تستاهل كل حاجة حلوة يا أجمل قلب، ويا رب يرزق كل الناس باللي يساعدهم علي تحقيق أحلامهم زي ما رزقني بتامر حسني”.
وكان تصدر المخرج محمد سامي التريند بعد مثوله أمام مقر نيابة الشيخ زايد وسماع أقواله في اتهامه بالتعدي بالضرب على مدير مركز صيانة سيارات بسبب سيارته المرسيدس.
وفرغت النيابة كاميرا مراقبة لبيان ملابسات واقعة المخرج محمد سامي، وأسفر التفريغ عن أن كاميرا المراقبة لم ترصد الواقعة بالكامل، فطلبت النيابة تفريغ باقي الكاميرات.