الصبح رياضة – الوطن سبورت | عبدالحليم علي يهاجم زيزو: «إنت أناني وعايز كل حاجة.. الزمالك اللي عملك»

هاجم عبدالحليم علي نجم نادي الزمالك السابق ومدير الكرة بنادي مودرن سبورت بالوقت الحالي أحمد مصطفى زيزو لاعب الفريق بسبب عدم تجديد تعاقده حتى الآن.

وقال عبدالحليم علي في حديثه التليفزيونية موجها حديثه لزيزو :«قبل ما أي حد يجي الزمالك مكنش حد يعرفه وأنا نفسي مكنش حد يعرفني إنت لازم تقدر كل ده برضه وتمضي الزمالك يستحق إنك تضحي بحاجات كتيره عشانه الكل خد حقه بارتباط اسمه بالكيان الوحيد اللي مش مستفيد المشجع هو اللي بيضحي بكل حاجة».

وواصل حديثه في رسالة لزيزو: «الزمالك بيديك كل حاجة إنت أناني عايز تاخد كل حاجة إزاي اقعد 6 أو 7 شهور مش عارف أجدد للاعب النادي اللي عملك وعملنا كلنا إنت شايف أو مش بتسمع الجمهور نخلي فيه دم لو مفيش إنتماء يطلع برا النادي إنت عملت للنادي إيه لا بنلعب أفريقيا ولا حصدنا اللقب ليه بتعمل فينا كده بتعاقب المشجعين اللي عملوا اسمك».

وطالب عبدالحليم علي بضرورة إصدار قرارات ضد اللاعبين وعدم مشاركة اللاعبين الذين لا يظهروا بروح داخل الملعب.