الصبح أخبار -عاجل.. عضوياتهم وهمية.. أعضاء نادى وادى دجلة يحذرون من الاشتراك به

أعرب عدد من أعضاء نادي وادي دجلة عن استيائهم بما أسموه بيع العضويات الوهمية للمواطنين بهدف لم الأموال.

وقال أحد الأعضاء،” نادى العضويات الوهمية و لم الفلوس لقد بلغت ايرادات شركة نادى وادى دجلة من مقدمات الاشتراكات الوهمية و تجديد السنوى للاشتراك و اشتراكات الالعاب 6.5 مليار فى السنة و فى الاخر العضويات كلها زائرة و ليست عاملة و الاراضى المنشأ عليها الاندية حق انتفاع مدة محددة اول ما يخلص عقد الارض يبقى الاعضاء فى الشارع و مالناش حقوق فى النادى”.

وتابع،” لو سمحت اعملوا عن نادى وادى دجلة بحث على جوجل واعملوا ريفيو نجمة واحدة”.

وقال عضو أخر ،” للاسف الكلام صحيح.. النادي نادي بيعمل شغل نصب.. بيجيب رجل العملاء وبعد كده ينفخهم.. السنه الي فاتت اشتركت معاهم وقالولي تجديد العضويه السنوي ١٥٠٠ جنيه و وكل كام سنه لما تزيد و لما تزيد بتزيد ١٠ %.. طبعا صدقت واشتركت مع العلم اني مشترك في الاهلي والزمالك و الشمس واشتراكاتهم من 800 ل 1200 في السنة.. المفاجاءه انهم خلوا التجديد السنه دي قرب ٤٠٠٠ جنيه.. ولو مش عاجبك متدفعش.. لا مش عاجبني وعايز الفلوس الي دفعتها.. لا ملكش حاجه واخبط راسك في الحيط.. يعني.. خلوا التجديد اكتر من تجديد ٣ نواداي الي انا مشترك فيهم مجتمعين”.

واستعرض عضو أخر مشكلته قائلا،” ده غير التجديد السنوي اللي بيزيد بنسبة مش موجودة في اى نادى تاني مشتركين نظام سمارت التجديد بتاعهم عدى ال ١٠ الآف جنيه يعني سنة و لا ٢ هيبقى ٢٠ الف و مع الوقت الناس مش هتقدر تجدد و هيتنازلوا عن العضوية اللي دفعوا فيها دم قلبهم”