أطلقت السيدة انسجام عادل، والدة طفلة صغيرة، استغاثة مؤلمة عبر مواقع التواصل الاجتماعي، بعد تعرض ابنتها للضرب والعض داخل إحدى الحضانات الخاصة التي كانت تضع ثقتها فيها.
استغاثة أم من حضانة خاصة
وقالت الأم في منشورها: “أنا بنزل الصور دي مش عشان أثير الجدل، لكن علشان أحذر كل أم وأب، عشان محدش يتعرض للصدمة اللي أنا عشتها، أنا موديه بنتي حضانة خاصة فيها كاميرات مخصوص علشان أتابع بنتي وأنا برا.
وذكرت والدة الطفلة: “وفي يوم قررت أعدّي بدري وآخد بنتي، لاقيتها مضروبة ومعضوضة، والدموع مالية وشها.”
وتابعت الأم: “سألت في الحضانة، قالولي ولد زقها على الترابيزة، طلبت أشوف الكاميرات، قالولي السيستم واقع والكاميرات فاصلة طول اليوم، خدت بنتي على طول ورُحت بيها لدكتور جنب الحضانة، وفوجئت بكلامه: (البنت متعورة ومسحولة ومعضوضة من أكتر من طفل).”
حسب رواية الأم، أن من اعتدت على طفلتها ليست طفلًا آخر كما أُدعي، بل ابنة صاحبة الحضانة نفسها، وهي فتاة كبيرة السن تم وضعها بين الأطفال الصغار والرضع دون رقابة، بحسب شهادة الأم.
وأضافت: “عرفت كمان إن المدرسات هناك بيضربوا الأطفال علشان يسكتوهم، ومش مؤهلين نفسيًا ولا علميًا للتعامل مع الأطفال، يعني أطفالنا مش أمان معاهم.”
واختتمت الأم استغاثتها بقولها: “أنا هاخد حقي بالقانون، بس قولت لازم أتكلم عشان محدش تاني يدفع التمن زي بنتي. اللي حصل لبنتي ميرضيش ربنا.”
وطالبت الأم الجهات المعنية بفتح تحقيق عاجل في الواقعة، والتشديد على الرقابة في الحضانات الخاصة، لحماية الأطفال من الإهمال أو التعنيف الجسدي أو النفسي.
